Календар на настани

^ Горе

Вашето здравје е наша грижа

08.06.2009 — 12.06.2009 : Во Клиничкиот центар во Љубљана, во организација на Европскиот тренинг центар одржан е базичен и напреден курс на гинеколошка ендоскопска хирургија со интернационално учество. Во истиот термин се одржа и индивидуален тренинг на одделот за репродуктивно здравлје под менторство на Доц.Д-р Рибич. Учесник на истиот курс беше и Д-р Снежана Стојковска, специјалист за гинекологија и акушерство при ПЗУ Ре-Медика—Скопје, каде што зема активно учество во теороескиот, но и во практичниот дел на курсот во областа на гинеколошка ендоскопија и ин витро фертилизација.

17.06.2009 — 20.06.2009 : Во Прага, Република Чешка, во организација на Европската асосцијација за ендоскопска хирургија се одржа 17. Конгрес на истата асоцијација. Д-р Манe Хаџи-Манчев, специјалист за општа и абдоминална хирургија при ПЗУ Ре-Медика—Скопје активно партиципираше на истиот конгрес со презентирање на постер со наслов: Лапароскопска холецистектомија и неочекуван канцер на жолчна кеса.

07.04.2010 : 5 години со ВАС. Ре-Медика денес обележува 5 години работа. На денешен ден во 2005 година започна да се остварува визијата за врвно здравство во Република Македонија.

^ Горе

07.05.2009 — 10.05.2009 : ЗДРАВЈЕ И УБАВИНА

27. Меѓународен саем на медицинска, дентална и фармацевтска опрема и лекови. 4. Саем на козметика и убавина.

Ре-Медика и оваа година ќе земе активно учество на истата манефистација со свој штанд (М22) и презентации...

05.05.2009 : МЕЃУНАРОДЕН ДЕН НА АКУШЕРКИТЕ

12.05.2009 : МЕЃУНАРОДЕН ДЕН НА СЕСТРИТЕ

25.05.2009 : Здружението на неонатолози на РМ под покровителство на ПЗУ Ре-Медика одржа состанок на кој што свои презентации и предавања одржаа:

Петар Каранаков, национален координатор за ДРГ и Д-р Марија Гулија, советник во Фондот за здравствено осигурување на РМ.

16.07.2009 — 26.07.2009 : Во Охрид, се одржа републички турнир во одбојка на плажа: “Beach volleyball Ohrid’09”. Машката и женска екипа на Ре-Медика постигнаа голем успех со освојувањето на бронзен медал. Честитки за постигнатиот успех на нашите претставници.

16.09.2009 — 19.09.2009 : Во организација на Македонското здружение на медицински биохемичари, Универзитетската Клиника за Клиничка Биохемија, Катедрата за медицинска и експериментална биохемија, Медицински факултет - Скопје и Универзитетот „Св. Кирил и Методиј“  - Скопје беше организирана 17-та Средба на Балканската федерација на клиничка лабораторија и 5-ти Конгрес на Здружението на медицински биохемичари на Македонија (Хотел Метропол-Охрид). На конгресот учествуваа предавачи од балканските држави и од светот. Од страна на Ре-Медика учесник на конгресот беше Дипл.биохемичар Лидија Вељаноска каде присуствуваше на предавањата кои ги обработуваа темите за контрола на квалитетот во работата, акредитацијата на лабораторија, постдипломската едукација во клиничката хемија по Скандинавски модели, Screening за pre-eclampsia во бременоста, како и на организираните работилници.

Информациите добиени од учеството на овој конгрес и размената на искуствата со останатите учесници дава можност за унапредување во организацијата, подобрување на контролата и квалитетот на  работата како и имплементација на надворешна контрола на квалитетот на анализите и акредитација на лабораторијата во Ре-Медика.

Oктомври 2009 : “Авто рели 100 km Пљачковица”. На авто релито кое се одржа по сртот на планината Пљачковица, активно учество зема и д-р Христијан Писевски од Ре-Медика. 100 km off-road авантура, на реалција Скопје-Штип-Берово, поминувајќи преку највисоката точка: врв „Бел Камен“ - 1710 m. Ре-Медика е секогаш на страната на спортот и здравјето и секогаш ги подржува спортските манифестации.

04.12.2009 – Во организација на „Позитиво“ за прв пат во Македонија се одржа аукција на чоколадо. ПЗУ Ре-Медика  во своета деловна политика подржува и секогаш спонзорира акции од ваков карактер. Средствата кои што беа обезбедени преку продажбата на уникатни чоколадни производи беа наменети за Институтот за белодробни заболувања – Козле. По повод новогодишните празници, Ре-Медика ги организира сите дечиња на своите вработени и во игротеката „Be Happy“ заедно низ игра и детска смеа ги вкусија овие уникатни чоколади и со тоа започна магијата на Новата 2010 година.

23.04.2010 — 25.04.2010 : БЕБЕ САЕМ 2010

Во организација на Панекс на Скопски саем се одржа БЕБЕ саем каде што Ре-Медика се претстави со сите свои медицински услуги (претставени едукативни флаери), а секако обезбеди за сите посетители, посебно за нашите мили и најмили консултативни прегледи за времетраење на саемот.